തൃപ്രയാർ അയ്യപ്പ സേവാ കേന്ദ്രത്തിന്റെ ഉൽഘാടനം

തൃപ്രയാർ: ശബരിമല അയ്യപ്പസേവാ സമാജത്തിന്റെ കീഴിലുള്ള തൃപ്രയാർ അയ്യപ്പ സേവാ കേന്ദ്രത്തിന്റെ ഈ വർഷത്തെ മണ്ഡല-മകരവിളക്ക് തീർത്ഥാടനത്തോടനുബന്ധിച്ചുള്ള സേവാ പ്രവർത്തനങ്ങൾക്ക് തുടക്കമായി. തൃപ്രയാർ ക്ഷേത്ര പരിസരത്ത് നടന്ന ചടങ്ങിൽ ചലച്ചിത്ര താരം ലിയോണലിഷോയ് ഉൽഘാടനം നിർവ്വഹിച്ചു പെരിങ്ങോട്ടുകര കാനാടി കുട്ടിച്ചാത്തൻകാവ് മഠാധിപതി ഡോക്ടർ കെ.കെ. വിഷ്ണുഭാരതീയ സ്വാമികൾ ദീപപ്രോജ്വലനം നടത്തി.   തൃപ്രയാർ അയ്യപ്പ സേവാകേന്ദ്രം വർക്കിംഗ് ചെയർമാൻ എൻ.വി. സേതുനാഥ് അധ്യക്ഷത വഹിച്ചു. കെ.രഘുനാഥ് ആമുഖപ്രസംഗം നടത്തി.    തൃപ്രയാർ കപിലാശ്രമത്തിലെ സ്വാമി തേജസ്വരൂപാനന്ദ സരസ്വതി അനുഗ്രഹ ഭാഷണം നടത്തി. എസ്.ജെ.ആർ കുമാർ,ഈറോഡ് എം.രാജൻ, കെ.ജി. അച്യുതൻ മാസ്റ്റർ, പി. ഷൺമുഖാനന്ദൻ, മുരളി കോളങ്ങാട്ട്, ഉണ്ണിക്കൃഷ്ണൻ തഷ്ണാത്ത് , ജോഷി ബ്ലാങ്ങാട്ട്, എം.എസ്.പ്രദീപ്, വി.കൃഷ്ണകുമാർ, സി.ആർ. വേലായുധൻ, എൻ.കെ. ഉദയകുമാർ, സജിനി ഉണ്യാരം പുരക്കൽ, പി.കൃഷ്ണനുണ്ണി എന്നിവർ സംസാരിച്ചു.  നേരത്തേ തൃപ്രയാർ ക്ഷേത്രനടയിൽ നിന്നും ഉടുക്ക്പാട്ട്, ശരണമന്ത്രം, താലം, പുഷ്പവൃഷ്ടി എന്നിവയുടെ അകമ്പടിയാടെ അയ്യപ്പരഥഘോഷയാത്രയും നടന്നു