പെരിഞ്ഞനം: കൈപ്പമംഗലം എം.എൽ.എ ഇ. ടി ടൈസൺ മാസ്റ്റർ നടപ്പിലാക്കുന്ന ഉന്നത വിദ്യാഭ്യാസ പദ്ധതിയുടെ ഭാഗമായി പ്രവർത്തിക്കുന്ന സുമേധ സിവിൽ സർവീസ് അക്കാദമി 2020ലെ കേരള അഡ്മിനിസ്ട്രേറ്റീവ് സർവീസ് പരീക്ഷ ലക്ഷ്യം വെച്ച് നടത്തുന്ന 'മിഷൻ KAS 2020 തീവ്ര പരിശീലന ക്ലാസുകൾക്ക് നവംബർ 16ന് തുടക്കം കുറിക്കും. KAS പരീക്ഷയെ സംബന്ധിച്ച് ഷെറഫ് പി. ഹംസ(അസിസ്റ്റന്റ് ഡെവലപ്പ്മെന്റ് കമ്മീഷണർ, ഗ്രാമവികസന വകുപ്പ്) ക്ലാസ് നയിക്കും. ഏതെങ്കിലും വിഷയത്തിൽ ബിരുദമുള്ള ആർക്കും പ്രസ്തുത പരിശീലനത്തിനായി അപേക്ഷിക്കാം. അതോടൊപ്പം തന്നെ ഡിഗ്രി അവസാന വർഷ വിദ്യാർഥികൾക്കും ഈ ക്ലാസുകളിൽ പങ്കെടുക്കാം. പ്രൈമറി, മെയിൻസ്, ഇന്റർവ്യൂ എന്നിങ്ങനെ കേരള അഡ്മിനിസ്ട്രേറ്റിവ് സർവീസ് പരീക്ഷയുടെ മൂന്നു ഘട്ടങ്ങൾക്കും പ്രത്യേകം പരിശീലനം നൽകും. പെരിഞ്ഞനം ഗവൺമെന്റ് യുപി സ്കൂളിൽ വച്ച് നടക്കുന്ന ക്ലാസുകൾക്ക് സിവിൽ സർവീസ് രംഗത്തെ പ്രമുഖരും വിദ്യാഭ്യാസ രംഗത്തെ പ്രമുഖരും ക്ലാസുകൾ നയിക്കും. കൂടുതൽ വിവരങ്ങൾക്ക് :9496347528, 9745377785 എന്നീ നമ്പറുകളിൽ ബന്ധപ്പെടാവുന്നതാണ്. രജിസ്ട്രേഷനായി ഇതോടൊപ്പമുള്ള ലിങ്കിൽ രജിസ്റ്റർ ചെയ്യാം
No comments:
Post a Comment