കേരള കർഷകസംഘം തൃശ്ശൂർ ജില്ലാ സമ്മേളനത്തിന്റെ ഭാഗമായി " കേരളം - സമ്പദ്ഘടന - നാളികേരവും മൂല്യവർധിത ഉൽപ്പന്നങ്ങളും" എന്ന വിഷയത്തെ ആസ്പദമാക്കി സെമിനാർ സംഘടിപ്പിച്ചു. കേരള കർഷക സംഘം സംസ്ഥാന വൈസ് പ്രസിഡണ്ട് സഖാ: ബേബി ജോൺ സെമിനാർ ഉദ്ഘാടനം ചെയ്തു. തെങ്ങ് ഉൽപന്നങ്ങളുടെ ഉല്പാദനം ഊർജിതമാക്കുന്നതിനും അതിന്റെ വിപണനം കാര്യക്ഷമമാക്കുന്നതിനും വേണ്ട പ്രവർത്തനങ്ങൾ നടത്തേണ്ടതാണെന്നും ഉദ്ഘാടകൻ പറഞ്ഞു. കാർഷിക സർവ്വകലാശാല ഫോർമർ പ്രൊഫസർ ഡോ. പി. എസ്. ജോൺ പ്രബന്ധം അവതരിപ്പിച്ചു. കർഷകസംഘം ജില്ലാ ജോയിന്റ് സെക്രട്ടറി സഖാ: പി.വി രവീന്ദ്രൻ മാസ്റ്റർ അധ്യക്ഷത വഹിച്ചു. കർഷക സംഘം ഏരിയ സെക്രട്ടറി ഹാരിസ് ബാബു സ്വാഗതം പറഞ്ഞു. കർഷകസംഘം ജില്ലാ സെക്രട്ടറി പി. കെ. ഡേവിസ്, കർഷകസംഘം ജില്ലാ ട്രഷറർ പി. ആർ വർഗീസ്, നാട്ടിക ഏരിയ സെക്രട്ടറി എ. എം. അഹമ്മദ്‌, കർഷകസംഘം നാട്ടിക ഏരിയ ജോയിന്റ് സെക്രട്ടറി ഇ. പി. കെ. സുഭാഷിതൻ, ജില്ലാ കമ്മിറ്റി അംഗം കെ.വി. പീതാംബരൻ, കെ. ആർ. സീത, കർഷകസംഘം ജില്ലാ കമ്മിറ്റി അംഗം പി. എൻ. സുർജിത്, ബ്ലോക്ക്‌ പ്രസിഡന്റ്‌മാരായ ഡോ. സുഭാഷിണി മഹാദേവൻ, ശ്രീ. ആബിദലി, തളിക്കുളം ഗ്രാമപഞ്ചായത്ത് പ്രസിഡന്റ്‌ പി. ഐ. സജിത എന്നിവർ സംസാരിച്ചു. കർഷകസംഘം നാട്ടിക ഏരിയ കമ്മിറ്റിയുടെ കർഷകനാദം വരിസംഖ്യ സ : പി. കെ. ഡേവിസ് മാസ്റ്റർ ഏറ്റു വാങ്ങി. ഏറ്റവും കൂടുതൽ കർഷകനാദം ചേർത്തിയ കമ്മിറ്റികൾക്ക് ഉപഹാരം നൽകി. കർഷകസംഘം ഏരിയ പ്രസിഡന്റ്‌ അഡ്വ: ജ്യോതിപ്രകാശ് നന്ദി പറഞ്ഞു.
No comments:
Post a Comment